Grilling og god mat høyrer sommaren til, og då dei aller fleste skulle feriera heime, på hytta, i båten eller på camping i Noreg, såg me raskt potensiale for å tenka nytt rundt grillkonseptet vårt. Grillmat treng ikkje vere pølse og kjøt – han kan like gjerne bestå av smakfull SALMA-laks av ypparste kvalitet.
Innovasjonsteamet hos Bremnes Seashore/Myobiotec og marketingteamet hos Salmon Brands gjekk raskt i gang med idémyldring rundt kva grillkonsept som var mogleg å utvikla på veldig kort tid.
Det vart snart klart at SALMA-burgeren var eit solid kvalitetsprodukt å ta utgangspunkt i.
For merkevara SALMA er det viktig å heile tida levera noko unikt som går utover det kundane forventar.
Karolina Wolnik • Brand Manager i Salmon Brands
– Fundamentet hadde me allereie i den reine, hyperferske originale SALMA BRG. Det ligg mykje forsking og kunnskap bak SALMA BRG, og difor følte me oss trygge på at å tilsetje ein spennande kryddersmak til det hyperferske råstoffet kunne gi oss eit kvalitetsprodukt som ville styrka SALMA sin posisjon som merkevare, seier Even Manseth, seniorforskar i Myobiotec.
Etter å ha testa ulike krydder, fall valet på teriyakismak. Den samsvara med den asiatiske smaksretninga som var ein trend blant butikk-kjedene gjennom sommaren, samtidig som det er ein smak som passar godt til SALMA-laksen.
Etter intense veker med produktutvikling, smakstesting, utvikling av emballasjedesign og innsal til kundane, var SALMA Teriyaki-burger klar for lansering i juni. Produktet var då merka med nøkkelholmerket, slik at kundane skulle vere heilt sikre på at dei tok eit sunt val når dei la burgeren på grillen.
SALMA Teriyaki-burgeren vart ein stor suksess, og var å finna på mange grillar rundt omkring i Noreg heile sommaren og utover hausten.
– Med SALMA Teriyaki-burger trefte me ein forbrukartrend sommaren 2020, og det er tydeleg at folk synest det er spennande med eit alternativ til kjøtburger. For merkevara SALMA er det viktig å heile tida levera noko unikt som går utover det kundane forventar. Samtidig vil me aldri kompromisse på høg kvalitet og den reine, gode smaksopplevinga. SALMA Teriyaki-burger leverte på alt dette og var ein stor sommarsuksess for SALMA, seier Karolina Wolnik, Brand Manager i Salmon Brands.
