Kvalitet frå måten me jobbar på
BÖMLO
BÖMLO byggjer på femti år med erfaring, utvikling og hjarte for laks. På Bømlo har me funne balansen mellom teknologi og handverk. Laksen sym i kaldt vatn og opplever lite stress, noko som gjev eit råstoff med naturleg spenst, farge og smak.
Kvalitet frå måten me jobbar på
BÖMLO er forma av meir enn femti år med erfaring, utvikling og hjarte for faget. Her på Bømlo har me lært å kombinera moderne teknologi med trygt og godt handverk. Me handterer kvar fisk med lågt stress og stødig arbeid, slik at filetane held naturleg spenst, farge og smak.
Superfersk: Frå sjø til pakking same dag
Gjennom teknologien vår for levandekjøling og pre rigor-filetering foredlar me laksen medan han framleis er superfersk. Fileten blir klar og pakka same dag som fisken symde i sjøen. Det gjev fast tekstur og ein rein, frisk smak – slik fersk laks skal vera.
Norsk eigarskap og kortreist foredling
All BÖMLO-laks blir produsert på Vestlandet og teke i land og foredla på Bømlo, med sporbarheit heilt tilbake til oppdrettslokaliteten. Me har full kontroll på verdikjeda frå rogn til ferdig filet. Det gjev trygg mat, korte avstandar og verdiskaping som blir verande langs kysten.
Laks slik me meiner han skal vera
Rein, trygg og smakfull. Bak BÖMLO står fagfolk med hjarte for faget – folk som bryr seg om fisken, maten og dei som skal eta han. Difor vel kokkar over heile verda BÖMLO-laks når kvalitet verkeleg betyr noko.
H-82 er pakkemerket til fabrikkane våre i Kvednavikjo på Bømlo. I generasjonar har dette vore eit sikkert teikn på kvalitet for fiskekjøparar i heile verda. Me ser på H-82 som symbolet på kvalitetskulturen vår og viljen til alltid å bli litt betre.
Fabrikkane og produksjonsutstyret våre er bygde med hygiene i sentrum. Vatn og vaskemiddel skal lett få tak over alt, og løysingane for vask og reingjering er laga for å hindre vekst av uønska bakteriar. Folka våre er trena til å laga trygg mat, med god hygiene som fast rettesnor.
Levandekjøling, eller Live Cold Fish, er ein teknologi som vart utvikla hos Bremnes Seashore i 1994. Me let laksen symja i kaldt vatn før slakting, slik at kroppen vert kjølt ned på ein naturleg og skånsam måte. Då får me jamn og høg kvalitet på fisken året rundt.
Når laksen har det bra og opplever lite stress, blir kjøttkvaliteten betre. Det lærte me tidleg av japanske kundar. Difor arbeider me heile tida for å påføra fisken minst mogleg stress, særleg like før han skal bløggast.
Kombinasjonen av låg temperatur og lågt stress gjev ein fisk med høg energi og lite mjølkesyre i muskelen. Laksen går ikkje rett i rigor og kan fileterast med ein gong. Denne superferske kvaliteten blei mogleg då me tok i bruk pre rigor-filetering, ei løysing utvikla i Kvednavikjo på Bømlo i 1997.
Mange av kundane våre brukar BÖMLO til rått konsum, til dømes som sashimi, sushi eller poké. Ein superfersk filet handtert av fagfolk som kan foredling og hygiene, kombinert med ein trygg kjølekjede, gjer at laksen trygt kan etast rå.
Laks er eit ungt husdyr, og i Norge har me berre drive oppdrett i om lag femti år. For å lukkast må me læra av naturen og ta omsyn til biologien til laksen i all utvikling. Naturen er den beste læremeisteren, og tilnærminga vår skal alltid vera kunnskapsbasert og vitskapleg.