Historia vår
Historia til Bremnes Seashore starta i 1937, då ein 14 år gamal Olav Svendsen begynte med tarehandel på Bømlo.
Sidan har verksemda utvikla seg frå små kystnære røter til å bli ein av Noregs største private oppdrettsaktørar. Gjennom innovasjon, hardt arbeid og ei urokkelig tru på kvalitet har me gått frå tare og aure til å setja ny standard for premium laks i verdsklassen. Me var tidleg ute med å foredla laks i Norge, og har heilt sidan 1970-talet utvikla nye metodar både på sjø og land. Gjennom nysgjerrigheit og vilje til å prøve nytt, har me bygd opp teknologi og kompetanse som sikrar kvaliteten frå fisken sym i sjøen til han ligg ferdig pakka og klar til levering. Mykje har endra seg sidan starten, men noko står fast: Me skal skapa framtid for folk langs kysten, med hjarte for laksen som grunnlag, og med omtanke for både naturen og menneska rundt oss.
1937 - Tarehandel
Olav Svendsen, berre 14 år gammel, starta med mottak av tare og skråme i Øklandsvågen. Slik starta historia som ledar fram mot det me i dag kjenner som ein kvalitetsprodusent av laks.
1946 –> Utbygging
Etter 2. verdskrigen vart verksemda flytta til Kvednavikjo på andre sida av Øklandsvågen. Med dette starta ei soge med utbyggingar og kapasitetsauke som har vart heilt fram til dagens dato.
1950-1973 – Størje
I vel 20 år pågjekk det fiske etter makrellstørje. Størja var lenda på mottaket i Kvednavikjo. Størja vart levert fersk til Italia og frosen til Japan.
1955-1984 – Pigghå
Frå midt på 50-talet og i 30 år framover var pigghå-mottaket den største og vikigaste delen av bedrifta. I Kvednavikjo blir det bygd fryseri i samband med verdas største mottak for pigghå.
1960-1980-talet – Aure
Dei første forsøka med klekking og oppdrett av aure på Goddo legg grunnlaget for moderne oppdrettsmetodar.
1970-talet – Laks
Midt på 70-talet byrja skiftet frå aure til laks hos Bremnes Seashore. Det starta som ei lita attånæring til pigghåen. Det var mykje prøving og feiling i starten.
1989 –> Foredling av laks
Bremnes Seafood vart etablert. Starten på Bremnes Seashore sin aktivitet innan foredling av laks. Eit av dei første selskapa i sitt slag i Norge.
1994 – Levandekjøling
I 1994 vart det første anlegget for levandekjøling av laks teke i bruk. Saman med forskarar frå Landbrukshøgskulen på Ås fann Bremnes Seashore ut at å la den vekselvarme laksen symja i kaldt vatn før slakting ville kjøla han ned og gje han stabil og god kvalitet året rundt.
1997 – Pre rigor-filetering
I framhaldet av oppdaginga av levandekjøling vart pre rigor-fileteringa oppfunnen. Ved å filetera den levandekjølte laksen med ein gong, i staden for å modna han, fekk me ein superfersk filet med særs høg kvalitet.
2005-2024 – Salma
Eit samarbeid med Tine om ei spekepølse av laks førte fram mot Norges første merkevare av laks, Salma. Bremnes Seashore sin unike kvalitet kombinert med TINE sin merkevarekompetanse gav oss Salma. Merket seld til Insula i 2025.
2009 –> BÖMLO
BÖMLO-merket vart lansert i 2009. Merket byggjer på våre kvalitetsinnovasjonar og vår regionale identitet. Først som heil laks, sidan foredla produkt. Anerkjend blant kokkar i fleire land.
2018 –> Stor smolt
Med opninga av det nye RAS-anlegget vårt på Trovåg markerte selskapet starten på satsinga med stor smolt. Større smolt gjer kortare produksjonstid i sjøanlegga slik at laksen blir mindre ekponert for lus, maneter, alger og smitte i sjøen.
